قصيده تخليك تموت ضحك ويمكن تكون وقعت بالموقف نفسه ادخل وشوف

[ملكه الاحزااان]

قصيده تدخل مطرطع تطلع تضحك
محسن شاب صايم ... لكن جوعان

دخل المطبخ .... و شاف أمه مشغوله بالطبخ وتحضير الطعام

فدار بينهم هذا الحديث :
**************************
محسن :

قولي يا يمّـه بعجل شنهو الفطور
فرحي قلبى قبل لا يصيـر الأذان

حالتي صعبـه ترا وراسي يدور
بطنـي خالي و ناشف ٍ منى اللسان


الأم :

شـللي جابك هالوكت بين الجدور
عاقد الحاجب .. و وجهك ما يبان

لا تدودهني يا محسن لا تشور
ما أبيك الحين فى هـذا المكــان

محسن

خـل أشـمّ العيش يا يمه و أغور
و انظر التشـريب يعطينـي أمـان

و الهريس اللي يخليـني بسرور
خـل ألـمّ القـنجـه و احضنها بحنان

الأم

صبّـر قليـبك و فـارج لا أثـور
و الشـط ايـدينك ترا بالخيـزران

الأكـل كافي و لا تلقى قصـور
لا تحـنّ .. خليني أحشى البيدجـان

محسن

أنا رايح بس ترا عندي شعـور
ريحـة البرياني ما فيــه زعفران

و انا شايف بالمرق حب و قشـور
إنتي ما عـلّـيتي ناره من زمان؟

الأم

و الله يا محيــسن ترا قلبي يفور
و الفطور الليلـه .. الساعه ثمـان !

قلعـتك.. والليله ما عندي سحور
و هالصينيه ودهـا حق بيت ام حنان !!!


هذه قصيده لمداوي جروحه

اتمنى اعجبتكم ودمتم احبتي

[فْيَضًٍ آلمًشًِْآعًٍرٌٍ]

هههههههههههههههههه
كلمات ماعليها لوم الجوع مايرحم هههههههه
يعطيكي الف عافيه ولا يحرمنا من جديدك الفلاوي
دمتي في حفظ الرحمن

[صدى الليل]

مشكور اخوي فعلا الجوع ما يرحم
هههههههههه
هههههههه
هههههههه

[ملكه الاحزااان]

ربك رحيم تسلملي الضحكه يارب ولا تحرمونا طلتكم على متصفحي بتونس بيكم ههههههههه